Eusko Jaurlaritzak EAEn kokatutako establezimenduak dituzten enpresa edo langile autonomoentzako dirulaguntzak onartu ditu, norberaren bizitza, familia eta lana uztartzearen arloko egoeraren diagnostikoa eta ekintza-plana egiteko, eta 2026rako deialdia egiten da.<\/p>\n
Laguntza horiek eskatzeko epea uztailean hasi eta irailaren 30ean amaituko da, eta 420.000 euroko aurrekontua du (210.000 euro 2026ren kontura eta 210.000 konpromiso-kreditu 2027rako). Laguntzak eremu pribatuko edozein erakunderi zuzentzen zaizkio, mikroenpresa bat, ETE bat edo enpresa handi bat den kontuan hartu gabe. Autonomoek ere eska dezakete laguntza.<\/p>\n
Aurtengo dekretuak, EHAAn argitaratzeke dagoenak, honako berritasun hauek jasotzen ditu:<\/p>\n
Kontziliazio-proiektuen eguneratzeak diruz laguntzeko aukera jasotzen da, baldin eta aurreko proiektuaren ekintza-plana gauzatzeko aurreikusitako gehieneko epea igaro bada. Lehenengo plana egiteko zuzkidura osoaren % 75 bideratuko da, eta dauden planak eguneratzeko, berriz, % 25. Eskabideak aurkezteko epea amaitu eta planak eguneratzera bideratutako zenbatekoa agortzen ez bada, aurrekontu-soberakina kreditu nahikorik ez izateagatik erantzun ezin izan diren lehen planeko eskabideak finantzatzeko erabili ahal izango da automatikoki, edo alderantziz.
\nErakunde onuradunen espektroa zabaldu da. Euskal Sektore Publikoa osatzen duten eta onuradun izan daitezkeen erakundeak zehatzago eta zabalago arautu dira. Aldaketa horren helburua araua ehun publikoaren (autonomikoa, forala eta tokikoa) errealitate instituzionalera egokitzea da, nortasun juridiko propioa izanik, beren aurrekontuetan kontziliazio-proiektuetarako finantzaketa nominatiborik ez duten erakundeak barne hartzen direla ziurtatuz.
\nEnpresa batek EAEn proiektu bat baino gehiago egin ahal izatea arautu da, betiere lantokietan errealitate oso desberdinak badaude zentroen antolamendu-ezaugarriei, plantillen profilari, funtzioak betetzeari edo lan-baldintzei dagokienez.
\nPlantillari buruzko diagnostikoaren datuak sexuaren arabera bereizi beharko direla gaineratu da.
\nInbertsio publikoaren eraginkortasuna bermatzeko eta sustapen-politikaren ex-post ebaluazioa egiteko, eragin-memoria bat egin eta aurkeztu behar da, neurriak ezarri eta 18 hilabeteko erreferentzia-epearekin. Dokumentu hori epe hori amaitu eta gehienez ere bi hilabeteko epean aurkeztu beharko da, eta lortutako emaitzak aztertzeko aukera emango du, generoaren alderdian arreta berezia jarriz, eta dirulaguntzak kontziliazioaren eta erantzukidetasunaren hobekuntzan duen benetako eragina neurtuz.
\nLaguntza eskatzeko edo informazio gehiago eskatzeko: familiapolitikak@euskadi.eus<\/p>\n","protected":false},"excerpt":{"rendered":"