usko Jaurlaritzak eta Araba, Bizkaia eta Gipuzkoako Foru Aldundiek Dermatosi Nodular Kutsakorraren (DNC) aurkako neurriak malgutzea erabaki dute. Erabaki hori animalien osasunaren arloan eskumena duten administrazioek hartu dute modu koordinatuan, gaixotasunaren bilakaera epidemiologiko positiboaren ondoren. Eusko Jaurlaritzak onartutako agindu berriak babes juridikoa ematen dio erabaki horri, eta indarrik gabe uzten du 2026ko urtarrilaren 30etik indarrean dagoena.<\/p>\n
Aginduaren berritasun nagusia da ezabatu egin direla feriak, lehiaketak, herri kirolak, erromeriak, merkatuak eta behi-aziendak dauden aldi baterako beste ekitaldi batzuk egiteari eragiten zioten murrizketak, eta berriro egin ahal izango dira animalien osasunaren arloan eskumena duten agintariek ezarritako baldintzen arabera.<\/p>\n
Era berean, animaliak mugitzeko baldintzak egokitu egiten dira, Gipuzkoako Lurralde Historikoak, I. Txertaketa Eremuaren barruan dagoenak, gaixotasunaren aurkako txertaketaren gutxieneko estaldura lortu eta azken hilabeteetako bilakaera epidemiologikoa aldekoa izan denean.<\/p>\n
Hala ere, agindu berriak eutsi egiten die gaixotasuna sartzea eta hedatzea prebenitzeko ezarritako biosegurtasun-neurri nagusiei. Abereen mugimendu guztietan nahitaezkoa izango da, garraio-ibilgailuak garbitu eta desinfektatzeaz gain, ibilgailuak eta animaliak intsektuak hiltzea, horiek zuzenean hiltegira doazenean izan ezik. Jarduketa horiek dagokion erantzukizunpeko adierazpenaren eta ibilgailua garbitu eta desinfektatu izanaren ziurtagiriaren bidez egiaztatu beharko dira.<\/p>\n
Halaber, Euskal Autonomia Erkidegotik kanpoko ustiategietan sartzen diren behien eta bestelako espezie sentikorren albaitaritza-zaintza orokorra 28 egunez mantenduko da, bai eta ustiategi hartzailearen kautelazko ibilgetzea ere, dagokion foru-aldundiko animalia-osasuneko zerbitzu eskudunak zehazten duen aldian.<\/p>\n","protected":false},"excerpt":{"rendered":"