Ekonomia, Lan eta Enplegu Sailak, Mikel Torres lehendakariordeak proposatuta, gure autonomia-erkidegoan Gizarte Ekonomiaren ekosistema bultzatzeko dirulaguntzen bi deialdi onartu ditu astearte honetan. Guztira, 4,46 milioi euro emango dira 2026ko ekitaldirako. Laguntza horiek kooperatiba eta lan-sozietate berrien sorrera sustatzera eta lehendik daudenen lehiakortasuna eta kudeaketa indartzera bideratzen dira, laguntza tekniko espezializatuko jardueren bidez.<\/p>\n
Deialdi nagusiak 4.025.000 euro ditu, eta helburua da ekintzailetza kolektiboa sustatzea, gizarte-ekonomiako enpresa berriak eratzea eta bazkide langileak sartzea. Laguntza horiek hiru eremu handitan egituratzen dira: ideia-lehiaketen, preskriptore-sareen eta lurralde-sustapenerako planen bidez enpresak sortzearen aldeko ekosistema mantentzea; kooperatibak eta lan-sozietateak eratzea eta sustatzea; eta bazkide mugagabeak sartzen laguntzea.<\/p>\n
Deialdi horren barruan, Ekonomia, Lan eta Enplegu Sailak gizarte-ekonomiako enpresa berriak sortzea, erakunde sustatzaileen jarduerak eta bideragarritasun-azterlanak babestuko ditu, belaunaldien arteko errelebo-prozesuak errazteko edo zailtasunak dituzten enpresak eraldatzeko. Halaber, langabetuak, bazkide ez diren langileak, desgaitasuna duten pertsonak eta nekazaritzako elikagaien kooperatibetan sartzen diren ustiategien titularrak bazkide gisa sar daitezen lagunduko du.<\/p>\n
Bestalde, sail horrek berak 440.000 euro bideratuko ditu gizarte-ekonomiako enpresetan laguntza teknikoa emateko laguntzetara. Laguntza hori euskal kooperatiba eta lan-sozietateen kudeaketa eta lehiarako gaitasuna hobetzera bideratuta dago. Dirulaguntza horri esker, kudeaketa-plan eta aginte-taula integralen prestaketa, merkataritza-kudeaketako aholkularitza, gerentziaren profesionalizazioa, enpresak suspertzeko planak eta pertsonengan oinarritutako antolaketa-eredu berrien ezarpena finantzatuko dira.<\/p>\n
Era berean, eraldaketa digitalarekin eta zibersegurtasunarekin lotutako jarduerak sartzen ditu, baita enpresa-jardueraren inpaktua murriztera bideratutako ingurumen-hobekuntzako proiektuak ere. Gainera, enpresa-ekimen berriak errazteko eta Gizarte Ekonomiari laguntzeko egiturak indartzeko azterlan ekonomiko eta juridikoak jasotzen ditu.<\/p>\n
Eskabideak aurkezteko epea hilabetekoa izango da, aginduak Euskal Herriko Agintaritzaren Aldizkarian argitaratu eta hurrengo egunetik aurrera.<\/p>\n","protected":false},"excerpt":{"rendered":"