Lurralde Kohesio Sailak, Herri Lan eta Azpiegituren Zuzendaritza Nagusiaren bitartez, Burutaingo saihesbidearen lanak hasi ditu astelehen honetan, 15,2 milioi euroko kostuarekin eta 23 hilabeteko egikaritze-epearekin.
Burutaingo saihesbideak 1,6 kilometroko luzera izango du guztira, eta gaur egungo N-121-A errepidearen 15+100 kilometro-puntuan hasiko da. Noranzko bakoitzeko bi errei izango ditu, erdiko erdibitzailea 2 metrokoa izango da, eta kanpoko bazterbideak 1,50 metrokoa izango dira.
Proiektuak bi egitura handi ditu: goiko pasabide bat, 12 metroko zabalera eta 33 metroko luzera izango dituen bao bakar batek osatuko duena; eta azpiko pasabide bat, hormigoi armatuzko marko gisa proiektatuko dena, 7 metroko zabalera izango duena, eta pasabide multifuntzional gisa balioko duena: bidea, faunaren pasabidea eta errekastoaren pasabidea.