Irudian, ezkerretik eskuinera, Josune Urrosolo, Javier Ortega, Azahara Domínguez, Unai Andueza eta Diego Carbajosa..
Gaur, ekainak 7, GUITRANSeko Bazkideen Batzar Nagusia egin da EHUko Gipuzkoako Ingeniaritza Eskolan. Bertan izan dira Azahara Domínguez, Mugikortasuneko, Turismoko eta Lurralde Antolaketako diputatua, eta Unai Andueza, Ekonomia Sustapeneko eta Proiektu Estrategikoetako diputatua, berak garraiorako laguntza-lerro bat iragarri du, Bizkaian egiten ari diren deialdien antzekoa.
Javier Ortega GUITRANSeko presidenteak azpimarratu duenez, sektoreak dituen ziurgabetasun eta erronkak izan arren, 2024an trafikoak % 8 inguru handitu dira, eta, gainera, elkarteak ahalegin handia egin du enpresei digitalizazio- eta deskarbonizazio-prozesuan laguntzeko.
Azpimarratu du prozesu horiei ezin izango zaiela aurre egin gidari faltaren arazoa konpondu ezean, eta, horretarako, gai nagusi gisa jorratzearen alde egin du, inplikatutako eragile guztien artean sare koordinatu bat ehuntzeko beharra planteatuz. GUITRANSek gogor lan egiten du bi estrategiatan: batetik, migrazio ordenatua sustatzea jatorrizko kontratazioen bidez, eta, bestetik, prestakuntza-baliabideak babestea eta indartzea, sektorea profesionalizatzeko eta belaunaldi berriak sektorera erakartzeko. Bi bideak dira garrantzitsuak.
Ildo horretan aritu dira Talento Grupo Internacionaleko Diego Carbajosa eta Plaiaundi Institutuko Josune Urrosolo, bakoitzak garatzen ari diren konponbideak azpimarratuz.
Javier Ortegak erretiro aurreratuaz ere hitz egin du, eta errebindikazio justu eta arrazoizkotzat jo du, bai soldatapekoentzat, bai autonomoentzat.
Hainbat markaren laguntzari esker, astearten GUITRANSen zozketatu dira, Batzarrera bertaratutako bazkideen artean, hainbat opari, MLC, MOWIZ TRUCK, CEPSA-RESSA eta ARATZ Jatetxea,