Gipuzkoako Aldizkari Ofizialean, joan den uztailaren 2an, Tokiko Gobernu Batzordearen 2025eko ekainaren 23ko Erabakiaren laburpena argitaratu zen. Erabaki horren bidez, 2025eko deialdia onartu zen, Elgoibarren lehiarik gabeko norgehiagoka-sistemaren bidez ekintzailetza, zabalkuntza edo lekualdaketa, sendotzea eta eguneratze digitala eta enpresen ondorengotza bultzatzeko laguntzak emateko, banakako ebaluazioaren araubidean.
Laguntza-lerroak edo -programak:
Jarduera ekonomikoa sortzeko dirulaguntza: enplegua sortzen duten enpresa-jarduera berrietarako laguntza (I. eranskina)
Jarduera ekonomikoen ondorengotzagatiko dirulaguntza: pertsona fisiko edo juridikoek enpresaren ondorengotza/erreleboa egitea (II. eranskina)
Enpresa handitzeko edo lekuz aldatzeko dirulaguntza: Elgoibarko udalerriko instalazioak lekuz aldatzen, handitzen edo eguneratzen dituzten enpresentzako laguntzak (III. eranskina)
Zenbatekoa:
diruz lagundu daitezkeen gastuen % 90 (gehienez 3.500 euro lehenengo bi lerroetan eta 3000 euro hirugarrenean).
Dirulaguntzen lerro guztiak bateragarriak dira haien artean, honako hauek izan ezik: Jarduera ekonomikoa sortzeko dirulaguntza: enplegua sortzen duten enpresa-ekimen berriei laguntzea eta Jarduera ekonomikoen ondorengotzarako dirulaguntza: pertsona fisiko edo juridikoek enpresa-ondorengotza/-erreleboa egitea.
Eskabideak aurkezteko epea eta lekua: 2025eko azaroaren 30a (biak barne).
Hurrengo estekan, oinarri arautzaileetara jo dezakezu, onuradunen betekizunak, diruz lagundu daitezkeen jarduerak eta aurkeztu beharreko dokumentazioa zehazten diren eranskinekin.