Kongresuaren Osoko Bilkurak otsailaren 3ko 2/2026 Errege Lege Dekretua indargabetu zuen joan den ostegunean, hilak 26, aldeko 172 botorekin, kontrako 177rekin eta abstentzio 1ekin. Errege lege-dekretu horren bidez, gizarte-kalteberatasuneko egoerei aurre egiteko premiazko neurriak hartu ziren, zerga-arloan eta lurralde-finantzaketarako sistemen baliabideei dagokienez. Beraz, arauak ez du ondorio juridikorik. Hala ere, baliozkotu egin zuen otsailaren 3ko 3/2026 Errege Lege Dekretua, pentsio publikoak errebalorizatzeari eta Gizarte Segurantzaren arloko premiazko beste neurri batzuei buruzkoa.
Hilaren 28ko (larunbata) BOEn argitaratu zen Diputatuen Kongresuaren 2026ko otsailaren 26ko Ebazpena, otsailaren 3ko 2/2026 Errege Lege Dekretua indargabetzeko erabakia argitaratzeko agindua ematen duena (2/2026 Errege Lege Dekretua, otsailaren 3koa, gizarte-kalteberatasuneko egoerei aurre egiteko premiazko neurriak onartzen dituena, zergen arloan eta lurralde-finantzaketako sistemen baliabideei dagokienez), bai eta otsailaren 26ko Ebazpena ere, pentsio publikoak eta Gizarte Segurantzaren arloko premiazko beste neurri batzuk baliozkotzeko Errege Lege Dekretua argitaratzeko agindua ematen duena.
Esteka honetan, baliozkotutako Errege Lege Dekretuak jasotzen dituen neurri nagusien laburpena ikus dezakezu.