Gipuzkoako Aldizkari Ofizialean, abuztuaren 24an, argitaratu da Eibarren kokatutako enpresek langabeak kontratatzeko dirulaguntza hauen deialdia. Laguntzak aurkezteko epea 2027ko urtarrilaren 15ean amaituko da, egun hori barne.
Kontratatu beharreko pertsonak bete beharreko baldintzak
Eibarren erroldatuta egotea, gutxienez 2026ko urtarrilaren 1etik aurrera.
Langabea izatea eta Lanbiden enplegu-eskatzaile gisa izena emanda eta alta emanda egotea kontratua hasi baino hilabete lehenago gutxienez.
Enpresaburuarekin edo enpresa-kontrola dutenekin, zuzendaritza-karguak dituztenekin edo sozietatearen forma juridikoa duten enpresetako administrazio-organoetako kideekin odolkidetasunezko edo ezkontzazko bigarren mailarainoko ahaidetasunik ez izatea.
Enpresa berak kontratatu ez izana, kontratazio hori aurreko deialdietan diruz lagundu bazen.
Kontratazioan bete beharreko baldintzak
Lanaldi osoko edo lanaldi partzialeko kontratu mugagabeak soilik finantzatuko dira, gutxienez lanaldiaren % 50ekoak.
Kontratuek gutxienez 12 hilabetez iraungo dute, eta kontratu mugagabe bidez formalizatu beharko dira.
Nolanahi ere, kontratuak 2026ko urtarrilaren 1etik 2026ko abenduaren 31ra bitartean hasi beharko dira, eta diruz lagundu daitekeen aldia 12 hilabetekoa izango da, nahiz eta egun horretatik gorako iraupena izan.
Kasu guztietan, kontratuak dagokion sektoreko hitzarmenaren arabera egin beharko dira.
Kontratazioek enplegu-sorrera garbia ekarri beharko dute berekin, diruz lagundutako kontratuaren xede diren pertsonak enpresan sartu aurreko 6 hilabeteetan enpresan zegoen batez besteko plantilla osoaren gainean. Kontratazio-datan, kontratu berriak batez besteko hori handitzea ekarri behar du.
Ez dira diruz lagunduko onuradun bakoitzeko 4 kontratu baino gehiago.
Probaldia ez gainditzeagatik, borondatez uzteagatik, bidezkotzat jotako kaleratzeagatik edo kontratatutako pertsonaren heriotza edo baliaezintasunagatik diruz lagundu beharreko hilabeteetan lan-kontratua hutsaltzen bada, dirulaguntzaren zenbatekoa murriztu egingo da lan-kontratuaren benetako iraupenaren proportzioan, edo beste kontratu bat egin ahal izango da, diruz lagundutako jatorrizkoaren baldintza berberetan, egutegiko 15 eguneko epean. Diruz lagundutako jatorrizko kontratuaren eta lanpostuaren tipologia bera hartuko da kontuan.
Eskabideak aurkezteko epea eta tokia
Deialdi honen laburpena Gipuzkoako Aldizkari Ofizialean argitaratu eta hurrengo egunean hasi eta 2027ko urtarrilaren 15ean amaituko da deialdia egin duen organoari edo haren ordezkariari zuzendutako dirulaguntzak eta erantsitako agiriak aurkezteko epea. Dirulaguntza eskabideak elektronikoki egin beharko dira, udalaren web orriaren bidez (www.eibar.eus). Izapidea elektronikoki egiteko, beharrezkoa da ziurtagiri digital bat izatea (B@kQ, NAN elektronikoa, Izenperen txartela, etab.).