Kasu horretan, Europako Erkidegokoa ez den gidariaren ziurtagirian atzerriko gidabaimenaren zenbakia agertzen denez, enpresa kontratatzaileak beste ziurtagiri bat izapidetu beharko du trukea egiteko unean, karnet berriaren zenbakiarekin.
Muga-zergen ondorioak arintzeko enpresa-sektoreari finantza-laguntza emateko lerroa
Eusko Jaurlaritzak 450 milioi eurorainoko finantzaketa-lerro bat irekiko du enpresa-sektoreari laguntzeko, muga-zergen ondorioak arintzeko. Horretarako, Gobernu Kontseiluak Elkargirekin eta EAEko finantza-erakunde nagusiekin hitzarmenak sinatzea onartu du, AEBekin merkataritza-harreman handiagoa duten jarduera-sektoreetako enpresa txiki eta ertainek, enpresa handi hautagarriek eta banakako enpresaburu eta profesional autonomoek likidezia-beharrei erantzun ahal izateko.
Kreditu-lerro hori Elkargik eta finantza-erakundeek bideratuko dute. Horrela, mailegu hori eskatzen duten enpresek ELKARGIren bidez kudeatu beharko dute abala, eta ELKARGIk kasuz kasu aztertuko ditu eskaerak, erabili ohi diren azterketa- eta erabaki-irizpide arruntak aplikatuz. Mailegu horiek 5 urteko amortizazio-epea izango dute, eta gehienez 2 urteko gabealdia.
PROFIECO-IFT, GUITRANSeko kolaboratzaile berria digitalizazioaren arloan
Duela gutxi, Fundación GUITRANS Fundazioak lankidetza-hitzarmen bat sinatu du garraio-enpresetan digitalizazio-soluzioak ezartzen esperientzia handia duen enpresa honekin, digitalizazioa prozesuen automatizaziotzat hartuta (ez da soilik paperetatik ordenagailura pasatzea). Hala interesatzen zaien bazkideei, PROFIECOk garraio-prozesuaren digitalizazioa egingo die. Prozesu hori merkantzia kargatzetik deskargatu arte doa. PROFIECOrekin digitalizazioa askoz errazagoa izango da. Mugikortasun Jasangarriaren Legea indarrean sartzear dagoen honetan, beste berrikuntza askoren artean kontrol-agiria elektronikoa izan behar dela jasotzen duena, akordio honek GUITRANSeko enpresa elkartuei lana errazten die.
Agente digitalizatzaile gisa, konponbiderik egokiena aztertzeaz arduratuko dira, kontuan hartuta garraiolari autonomoa edo enpresa den, kamioi-flota, bezero-kopurua, kontrol-dokumentuaren egungo igorlea eta abar. Horrez gain, gaur egun indarrean dauden laguntzak izapidetuko dituzte, bai KIT DIGITALArena, bai Cheque Modernizarena. Gainera, PROFIECO-IFTk takografoaren datuak deskargatzeko eta zaintzeko irtenbideak eskaintzen ditu, gidatze ekonomiko eta eraginkorrari buruzko prestakuntza ematen du, takografo digitalean…
Sinatutako hitzarmenari buruzko informazio gehiago nahi baduzu, 943-316707, ext. 5
DIGITALIZATU zure enpresa PROFIECOrekin, ez zara damutuko.
Zein autonomia-erkidegotan kobratu zen hidrokarburoen gaineko zergaren tasa autonomikoa?
Europako Justizia Auzitegiak legez kanpokotzat jo zuen 2013 eta 2018 artean aplikatutako tarte autonomikoa (2019an kobratzen jarraitu zen, baina Hidrokarburoen gaineko Zergan sartuta zegoen). Tarte hori ez zen erkidego guztietan kobratu, EAEn ez zen kobratu. Kobratu zen erkidegoetan, gehienetan, tartearen guztizkoa itzuli zuten. Hurrengo artxiboan zehazten da zein erkidegok aplikatu zuten, zenbat eta zenbat itzuli zuten.
Erresuma Batuak 2027ko urtarrilaren 31ra arte atzeratu ditu Europar Batasuneko fruta eta barazkien kontrol fitosanitario berriak
Ekainaren 2an, Erresuma Batuak fruituen eta barazkien kontrol fitosanitarioak indarrean jartzeko data berriro atzeratzeko iragarkia argitaratu zuen. Aurreikusita zegoen kontrol horiek 2025eko uztailaren 1etik aurrera aplikatuko zirela. Orain arte argitaratutako informazioaren arabera, denbora-malgutasunak 2027ko urtarrilaren 31ra arte luzatzen dira.
Horrek esan nahi du ez dela beharrezkoa izango EBtik inportatutako arrisku ertaineko fruta eta barazkien gaineko kontrolik (tomateak, mahatsak, aranak, gereziak, melokotoiak, piperrak eta gehiago barne), eta, beraz, uda honetan ez dira indarrean sartuko.
Epe laburrean, enpresek EBtik arrisku ertaineko frutak eta barazkiak inportatzen jarraitu ahal izango dute, produktuei inportazio-kontrolik egin gabe eta lotutako tasarik aplikatu gabe.
Eusko Jaurlaritzak atzerritarren lan-baimenak izapidetzeko langileak indartu ditu
Eusko Jaurlaritzaren Kontseiluak, ekainaren 3an (asteartea) egindako bileran, aldi baterako indartze-programa bat sortzea onartu du, Euskadin lan egiten duten atzerritarrei lan-baimenak emateko Estatuak transferitutako eskumenak bere gain hartzeko. Horren bidez, Eusko Jaurlaritza erantzukizun berri horiek modu eraginkorrean kudeatzeko beharrezko baliabideez hornitu nahi da, eta kudeaketak eskatutako arintasunez eta eraginkortasunez egingo direla ziurtatu, horrela kolektibo horren lan-eskubideak eta tratu-berdintasuna bermatuz.
Programaren arabera, aholkulari juridikoa izango duten bi pertsona kontratatuko dira 12 hilabeteko epean, eta epe hori luzatu ahal izango da Ekonomia, Lan eta Enplegu Saileko lanpostuen zerrendan finkatu arte. Kontratazio horiek bitarteko funtzionarioen figurarekin egingo dira, Enplegatu Publikoaren Oinarrizko Estatutuaren Legean ezarritakoaren arabera.
Langile berriak arduratuko dira, besteak beste, bizileku- eta lan-baimenak izapidetzeaz, aldaketez, berritzeez, jatorrizko kontratazioak kudeatzeaz eta Lan Ikuskaritzarekin lotutako lanez, araudia betetzen dela bermatzeko.
Andamurrek segurtasunarekin duen konpromisoa berretsi du, bere aparkalekuak Europako estandar gorenen pean ziurtatuz
Guarromán eta Andamur La Junquera zerbitzuguneak SSTPA (Safe and Secure Truck Parking Areas) estandar europarreko urrezko kategorian ziurtatu dira. Aintzatespen hori Europako Batzordearen 2022/1012 Erregelamenduan oinarritzen da, eta ESPORGek (The European Safe & Secure Parking Organisation) babesten du. Joan den urtearen amaieran amaitu ziren Andamur San Roman IIko segurtasun-aparkaleku berriaren obrak, eta SSTPA urrezko ziurtagiria ere lortu du, TAPAk (Transported Asset Protection Association) definitutako PSR (Parking Security Requirements) estandarraren baldintzak betez, 2. mailako ziurtagiriarekin.
N-121-A: Belateko eta Almandozeko tunel berrien arteko zatiaren obrak lizitatu dira
18,7 milioi euroko lizitazioa egin da guztira, eta 20 hilabeteko exekuzio-epea.
N-121-A errepidean egingo diren obrak tunel berriak lotzea izango dira; horretarako, egungo galtzada bikoiztuko da eta biaduktu bat eraikiko da. 1,6 kilometroko zatia da, eta nabarmentzekoa da 210 metroko luzera eta 27 metroko garaiera duen zubibidea eraikitzea.
Zubibide berriak sei bao ditu, eta zimendu pilotatua izango du, egonkortasun handiagoa lortzeko. Etorkizuneko Almandozko tunelaren inguruan kokatuko da, eta tunelaren hegoaldeko ahoa dauden tunelen eskuinaldean egongo da. Belateko tunelaren eta Almandozeko tunelaren ahoek bat egiten duten tokian, galtzadak banandu egiten dira bi tunelekin ahokatzeko; gainerako zatian, berriz, berdintze-lanak egiten dituzte, eta elkarri erantsita doaz.
Lanek dirauten bitartean, lur-erauzketa egingo da egungo galtzadaren eskuinaldean, hormigoizko hesi batez bereizitako bi galtzada egiteko adinako zabaldegia izan dadin. Galtzadaren zabalpena egungo errepidearen eskuinaldean kokatuko da, lur-erauzketaren zatian, eta gaur egun Iruñerako noranzkoan zirkulatzeko erabiliko da.
Obrek harri-lubetari eusteko hormak egitea aurreikusten dute, baita lur-erauzketako ezpondei egonkortasuna emateko eta lur-jausiak babesteko errefortzua ere. Gainera, Mendiola auzora sartzeko bideak berrituko dira.
Amaia Arregi, Gipuzkoako Foru Aldundiko Ekonomia Sustatzeko zuzendari nagusi berria
Gipuzkoako Aldizkari Ofizialean, ekainaren 2an, Ekonomia Sustatzeko zuzendari nagusia izendatzen duen maiatzaren 27ko 9/2025 Foru Dekretua argitaratu da. Amaia Arregik Unai Andueza ordezkatuko du karguan, gaur egun arlo horretako diputatua dena.
Nazioarteko garraioa egiten duten ibilgailuetan, zein da lehen belaunaldiko takografo adimendunaren ordez bigarren belaunaldiko takografo bat jartzeko gehienezko epea?
Gogorarazten dugu takografoa aldatzeko derrigortasunak nazioarteko garraioa egiten duten ibilgailuei BAKARRIK eragiten diela gaur egun. Horrela, lehen belaunaldiko takografo adimenduna instalatuta duten ibilgailuek (2019ko ekainaren 15etik aurrerakoak) bigarren belaunaldiko takografoa jarri beharko du 2025eko abuztuaren 20a baino lehen.